Beth yw Cogog?
Mae Cogog yn bartneriaeth o gyrff traws-sector, amlasiantaethol sy’n cydweithio ar draws Sir Ddinbych i gyflawni prosiectau sy’n ymwneud â bwyd, gan ddod ag ystod eang o arbenigedd gwerthfawr i gefnogi datblygu mentrau.
Mae’r enw Cogog yn unigryw, wedi’i ffurfio o “Coginio” a “Gogledd”. Roeddem eisiau enw a fyddai’n addas ar gyfer partneriaeth fwyd yng Nghymru pe bai’n tyfu y tu hwnt i ffiniau Sir Ddinbych, ac o bosib’ yn troi’n bartneriaeth ranbarthol i Ogledd Cymru dros amser.
Cefndir a Chyd-destun
Ym mis Tachwedd 2021, crëwyd y Bwrdd Partneriaeth am y tro cyntaf gyda’r amcanion canlynol:
- Datblygu dull partneriaeth i ddatblygu cymaint â phosib’ ar sgiliau ac adnoddau grwpiau a sefydliadau’r sector cyhoeddus, y sector preifat a’r trydydd sector yn Sir Ddinbych, i fynd i’r afael â materion gwastraff bwyd a thlodi bwyd.
- Lleihau gwastraff bwyd yn Sir Ddinbych trwy ddatblygu mentrau bwyd dros ben cynaliadwy.
- Datblygu prosiectau a gwasanaethau cynaliadwy sy’n galluogi i bobl gael gafael ar fwydydd mwy maethlon a fforddiadwy.
- Sefydlu cynllun gwaith i gynnal a monitro’r gweithgareddau hyn yn llwyddiannus, gan roi cymorth a chyfarwyddyd i dimau cyflawni gweithredol.
Wedi’i ariannu gan
- Bwrdd Iechyd Prifysgol Betsi Cadwaladr
- Iechyd Cyhoeddus Cymru
- Llywodraeth Cymru
- Cyngor Sir Ddinbych